الحرب المصريه الليبيه هو اسم حرب قصيره بين مصر و ليبيا إستمرت من 21 يوليه ل 24 يوليه 1977 و انتهت بإنتصار مصرى سريع بعد ما احتلالجيش المصرى مدن و مناطق فى ليبيا.
بعد تطاول الكولونيل القذافى على القياده المصريه و تدخله فى شأن مصر ، بعد ما بدأت مصر تحضر لعمل اتفاقية سلام مع اسرائيل ، اتدهورت العلاقات بين مصر و نظام الكولونيل فى طرابلس. فى مايو من نفس السنه اتهاجمت واتكسرت مركز البعثات الدبلوماسيه فى البلدين ، و فى يونيه طرد القذافى حوالى ربع مليون مصرى كانوا بيشتغلوا فى ليبيا ، و فى فعله جنونيه حشد القذافى مظاهرات حاولت تقتحم الحدود المصريه للوصول للقاهره لعمل اضطرابات فيها فلما اتصدى ليهم حرس الحدود امر القذافى بضرب مدينة السلوم الحدوديه المصريه بالمدافع فما بقاش قدام القياده المصريه غير تلقينه درس فى فنون العسكريه خاصة ان مصر كانت لسه طالعه من حرب اكتوبر ضد اسرائيل القويه وبطبيعة الحال جيش مصر و امكانيتها بتتفوق على جيش و امكانيات القذافى. فى 21 يوليه 1977 بدئت العمليات العسكريه و المعارك على حدود البلدين و دخل الجيش المصرى ليبيا و هاجم الطيران المصرى المطارات و القواعد العسكريه التابعه لنظام القذافى ، لكن الرئيس السادات ما رضييش إن مصر تحتل كل ليبيا على اساس انه بس كان عايز يدى الكولونيل درس يوريله ان مصر اللى حاربت ضد جيش اسرائيل القوى اربع حروب فى حوالى 25 سنه مش صعب عليها انها تقهر جيشه و تحتل منطقته بسهوله ، و اتدخلت اطراف دوليه و حصلت هدنه فى 24 يوليو 1977 و خلصت الحرب تانى يوم فى يوم 25 يوليه 1977 و انسحبت القوات المصريه من الدن و المناطق اللى احتلتها فى ليبيا.
بدايه الحرب
لما معاهدة السلام بين مصر و اسرائيل ابتدى يتجهز ليها و بدأ يحصل تقارب ديبلوماسى مابين البلدين إتدخل نظام القذافى فى الشئون المصريه و هيج مظاهرات فى ليبيا ضد معاهدة كامب ديفيد. فى شهر ابريل و مايو زاد التوتر بين البلدين خصوصا لما قام متجمهرين فى ليبيا بمهاجمه البعثه المصريه هماك فرد المصريين بمهاجمه البعثه الليبيه فى مصر. و فى شهر يونيو امر العقيد معمر القذافىحوالى 225,000 مصرى عايشيين و بيشتغلوا فى ليبا انهم يمشوا فورا والا حيعتقلهم كلهم ودا شعلل الموضوع جامد جدا بين البلدين. فى يوم 20 يونيو 1977، نظام القذافى زود فيها و اتخيل انه ممكن ينظم مسيره تدخل القاهره سماها " مسيره للقاهرة " عند الحدود المصريه الليبيه والمتظاهرين بدئوا يحتجوا بالتقارب الدبلوماسى بين مصر و اسرائيل. القذافى كان طمعان فى لغى الحدود بين مصر وليبيا عشان تبقى مصر مفتوحه له و كان بيتحجج انها ملهاش لازمه وان الاستعمار هو اللى عمل الحدود دى و كان بيستعمل اقاويل الوحده بين مصر و ليبيا و بيتحجج بمفاهيم جمال عبد الناصر و وصل تطاوله لدرجة انه طالب الشعب المصرى بالثوره على الرئيس السادات لكن بطبيعة الحال وقف الشعب المصرى مع السادات و استهزأوا بالعدو اللى كان عايز يجتاح مصر بحجج وهميه. القذافى فى فعله جنونيه لم جماعات فى ليبيا و بعتهم على حدود مصر عشان يقتحموها بالعافيه ضد كل الاعراف و المواثيق الدوليه لكن اتصدى ليهم حرس الحدود المصرى و منعهم من اقتحام حدود مصر. لكن القذافى مااكتفاش بالأعمال دى و ادا امر بضرب مدينة السلوم المصريه الحدوديه بالمدافع فطوالى خرجت الطيارات المصريه و هاجمت القواعد عسكريه التابعه لنظام القذافى فى شرق ليبيا و دمرت طيرات مصر من نوع ميج 21 وسوخوى إس يو - 20 الطيارات الليبيه فى قواعدها و ما قدرتش دفاعات الكولونيل اللى طرازاتها قديمه و متهالكه انها توقع طياره واحده.
الحرب
- فى يوم 21 يونيوه بدئت العمليات العسكريه بين البلدين
- فى يوم 22 يونيو ضرب الطيران المصرى من نوع سوخوى إس يو - 20 و ميج 21 قواعد الجويه الليبيه و ماعرفش الجيش الليبى بصواريخ موديل سام-7 انه يوقع الطايرات المصريه. وقصفوا مواقع عسكريه فى واحة الكُفرة
- فى يوم 23 يونيو هاجم الطيران المصرى و دمرت قاعدة العدم الجويه جنوب طبرق، دا خلى قرار استدعى لكل المقاتلات الجويه الليبيه من مناطق ليبيا لطبرق. ودا خلى تحصل معارك جويه جامدا بين الطيران المصرى. الطيران الليبى قدر يوقع عدد من الطايرات المصريه ميج 21 و اتدمرت قاعدة مرسى مطروح الجوية
- فى يوم 24 يوليو هدنه بين الجيشين بعد تدخل الرئيس الفلسطينى ياسر عرفات و الرئيس الجزائرى هوارى بومدين والحكومه الاماراتيه
- فى يوم 25 يونيو اتوقفت العمليات العسكريه و انسحب الجيش المصرى من المدن و المناطق اللى احتلها فى ليبيا.
تبادل الاسرى بين البلدين فى أغسطس 1977
خساير مصر و نظام العقيد
- خساير الجيش المصرى: 4 طيارات ميج 21 ، و طياريتين SU20 و استشهد و اتجرح 100 مصرى.
- خساير جيش القذافى : 60 دبابه ، و عشرين طياره من نوع Mirage 5 ، و اربعين ناقلة عساكر مدرعه ، و اتقتل و اتجرح حوالى 400 ليبى لكن الأرقام ممكن تكون اكتر.
نتايج الحرب و أخرة القذافى
- انقسام بلاد المنطقه العربيه ما بين مؤيد لموقف مصر و حقها فى الدفاع عن حدودها كحق دولى وبين بلاد متطرفه و فى موقف عدوانى من مصر بتأيد القذافى ، ودا خلى مجموعه من الأنظمه العربيه اتعرفت بإسم جبهة الصمود و التصدى انها تطالب بعد كدا بطرد مصر من الجامعه العربيه و مقاطعة مصر.
- توتر جامد بين مصر و ليبيا و عدد من الأنظمه العربيه الراديكاليه.